ادبیات گیلکی

                         ادبیات گیلکی
                           افراشته راد
 افراشته, محمد علی فرزند جواد اهل باز قلعه رشت  (از توابع کهدم) متولد سال 1287 شمسی, جوانی با ذوق و
با احساس که سری پر شور و دلی آکنده از محبت و عواطف بشر دوستی داشت. و
شاعری انقلابی, آزادیخواه و پاکبازکه تمام دوران زندگیش را در راه دفاع از حقوق طبقات زحمتکش به کار می برد
و از مظالم استعمارگران ماورا بحار و استثمار کارفرمایان از کارگران و مالکین از زارعین داد سخن می داد.و
                            اشعار گیلکی و فارسی فراوانی سروده

                           نامه یکنفر زارع که به طهران سفر کرد
از تهران به رشت سلیمان داراب
بتوسط حاجی شیخ تراب
بی زحمت فاده به دست ارباب
ارباب ببره ساغری سازان
دائی پسرجان کبلا سلیمان

فدایت شوم آق دائی پسر
تی خاشه جاته بلا به مه سر
پس نی پویروز, بیستم صفر
وارد بوبوستم پاتخت سلطان
دائی پسر جان کبلا سلیمان

ترا دیل آیه؟ تهران بهشته
مرده شور بشوره شندره رشته
افسوس امه عمر بیخود بگذشته
اوچله کله او برف و باران
دائی پسرجان کبلا سلیمان

بوشته بام داره مسافرخانه
من اجور ایسم جیر خیابانه
ادا ایشاره کونم اوشانه
سربسته گویم تو تیره بدان
دائی پسرجان کبلا سلیمان

هاز نار فادم نیشینم ماشین 
از توپخانه شم دروازه قزوین
یک فرسخ رایه نیشینم هاچین
وا گردم شمه دروازه شمران
دائی پسرجان کبلا سلیمان

به از تو نبه ایتا آقایه
رفق بوبوستم می راه نمایه
اونی خرج و برج همش می بایه
بیست و پنچ تومن پول دارم قران
دائی پسرجان کبلا سلیمان

گرد گیج دهه آو آقا مرا
هون مرا بره هتل آستارا
شیره وا سینه می کله سرا 
ایزه رخاصی دانمه آلان
دائی پسرجان کبلا سلیمان

هون مرا بره تماشاخانه
تماشاخانه بلیط گرانه
جیر چیر جگا پانزده قرانه
جعفر گلنار, آرشین مالالان
دائی پسرجان کبلا سلیمان

خیابانانه آدم دره پور
خیلی ستمه, عبور مبور
چومه میان آبرو زنه جیب بور
ولی من پولا بنامه همیان
دائی پسرجان کبلا سلیمان

فئوز فوتورکان شیمی لاله زار
زناک و مرداک دوهزاز هزار
دیچ دپچه آمشتی برار
خانمانه بویه غش کنم قربان
دائی پسرجان کبلا سلیمان

لقانطه عجب جایه دای پسر 
ایتا حوض داره سله انقدر
مردم نیشینید حوضه دوره ور
پیشخدمت بعین عمدة الاعیان
دائی پسرجان کبلا سلیمان